Wednesday, December 1, 2021
spot_img

टिकटकका मालिक झाङले दिए राजीनामा

काठमाडौं । चर्चित सामाजिक सञ्‍जाल टिकटकको माउ कम्पनी बाइटडान्सका सहसंस्थापक यिमिङ झाङले कम्पनीको अध्यक्षबाट राजीनामा दिएका छन् ।

कम्पनीको पुनर्संचरना हुने तयारी भइरहेका बेला झाङले अध्यक्ष पदबाट राजीनामा दिएका हुन् । बाडटडान्सका संस्थापक तथा चीनका एक सफल व्यवसायी झाङले राजीनामा दिएको अन्तर्राष्ट्रिय समाचार माध्यमले जनाएका छन् । समाचारअनुसार झाङ टिकटकको बोर्डबाट निस्किएका छन् ।

तर झाङको राजीनामालाई आश्चर्यको रुपमा भने हेरिएको छैन । किनभने उनले यसै वर्षको सुरुमा व्यवस्थापनबाट अलग हुने चाहनासहित सीईओ पद छोड्ने घोषणा गरेका थिए । त्यतिबेलादेखि नै जनशक्ति विभागका प्रमुख तथा बाइटडान्सका अर्का सहसंस्थापक रुबो लियाङलाई सीईओमा नियुक्त गरिएको थियो ।

झाङको स्थानमा हालका सीईओ लियाङलाई नियुक्त गरिएको विषयसँग जानकार स्रोतलाई उद्धृत गर्दै समाचारमा भनिएको छ ।

स्रोतका अनुसार झाङ कुनै न कुनै हैसियतमा कम्पनीका गतिविधिमा संलग्न हुनेछन् । र उनले दीर्घकालीन रणनीतिलाई बढी जोड दिने बताइएको छ । तर उनको नयाँ पदबारे समाचारमा कुनै विवरण खुलाइएको छैन ।

सीएनएनबाट

सम्बन्धित समाचार

प्रतिक्रिया

Please enter your comment!
Please enter your name here

ताजा समाचार