Monday, September 20, 2021
spot_img

शेरधन राईले राजीनामा दिएर भीम आचार्यलाई मुख्यमन्त्री बनाउने तयारी

मोरङ, १० भदौ । प्रदेश नं १ का मुख्यमन्त्री शेरधन राईले आज पदबाट राजीनामा दिंदैछन । पार्टीको आन्तरिक समिकरणमा बदलाव आएपछि मुख्यमन्त्री राईले आज पदबाट राजिनामा दिन लागेका हुन ।

संसदीय दलको नेता र मुख्यमन्त्री पदबाट आजै राजिनामा गरेर एमाले सचिब भीम आचार्यलाई दलको नेता र मुख्य मन्त्री नियुक्त गर्ने तयारी रहेको छ । यसका लागि बुधबार राति अबेरसम्म मुख्यमन्त्री राई, एमाले प्रदेश १ का अध्यक्ष देवराज घिमिरेले अध्यक्ष केपी शर्मा ओलीसँग छलफल गरेका थिए । मुख्यमन्त्रीमा आचार्यलाई अघि बढ्न अध्यक्ष ओलीले केही महिना अघि नै संकेत गरेका थिए ।

राजिनामाका लागि अहिले विहान नौ बजेको जहाजबाट मुख्यमन्त्री राई बिराटनगर जाँदैछन । पार्टीको केन्द्रीय कमिटीको बैठकमा भाग लिन आएका प्रदेश १ का सांसदहरु पनि बैठक अगावै विराटनगर फर्कँदै छन । मुख्यमन्त्रीको सचिवालय स्रोतका अनुसार ११ बजे संसदीय दलको बैठकले आचार्यलाई दलको नेता चयन गर्ने कार्यक्रम तय भएको छ । त्यसलगत्तै राईले राजीनामा गरेर आचार्यलाई नियुक्त गर्न प्रदेश प्रमुखकहाँ आवेदन गर्ने तयारी छ ।

प्रदेश १ मा हाल ९२ जना सांसद रहेका छन् । सरकार बनाउन ४७ जना सांसद आवश्यक पर्दछ । त्यसमा राजेन्द्र राई, राजन राई र गणेश काम्बाङ माधव नेपालतिर लागेका छन् । यसका बावजुद पनि एमाले एक्लैको ४८ जना सांसदहरु रहेका छन ।

सम्बन्धित समाचार

प्रतिक्रिया

Please enter your comment!
Please enter your name here

ताजा समाचार