Sunday, September 19, 2021
spot_img

सबै परीक्षा स्थगित, त्रिविमा भने आजको परीक्षा यथावत

काठमाडौं, १३ वैशाख । संस्थागत विद्यालयहरुको संस्था प्याब्सनले सरकारको निर्णय अक्षरस पालना गर्दै सबै परीक्षा स्थगित गरेको जनाएको छ ।

प्याब्सन अध्यक्ष टिका पुरीले सरकारको निर्णय अनुसार सबै परीक्षा स्थगित गर्न विद्यालयलाई सुचित गरेको बताएका छन । यदि कसैले परीक्षा गराएको पाइए नियम संगत नहुने बताएका छन ।
एन प्याब्सन आवद्ध विद्यालय भने केहीले आजको परीक्षा यथावत राखेको र केहीले स्थगित गरेको पाइएको परीक्षा समिति अध्यक्ष प्रबोद रिजालले बताएका छन ।

सरकारको निर्णय ढिलो आउँदा कतिपय विद्यालयले आजको परीक्षा संचालन गरिरहेको र भोलिदेखिको परीक्षा गर्ने÷नगर्नेबारे आज छलफल गरेर निर्णय गर्ने उनले बताएका छन ।
कोरोना संक्रमणको जोखिम बढ्दा पनि कतिपय विद्यालयले आन्तरिक परीक्षा धमाधम लिइरहेको अभिभावकहरुको गुनासो छ ।

यसैबीच त्रिभुवन विश्वविद्यालयले आजका लागि पूर्वनिधारित परीक्षा सन्चालन हुने जनाएको छ । भोलिका लागि तोकिएको परीक्षा गर्ने÷नगर्नेबारे आज छलफल गरेर निर्णय गर्ने त्रिभुवन विश्वविद्यालयका रजिष्ट्रार पेशल दाहालले बताएका छन् ।

सम्बन्धित समाचार

प्रतिक्रिया

Please enter your comment!
Please enter your name here

ताजा समाचार