२४ बैशाख २०७८, शुक्रबार

फोर्ब्सको सूचीमा थपिए ९ जना नयाँ क्रिप्टोकरेन्सी अर्बपतिहरु

एक वर्षयता विश्वव्यापीरुपमा बढ्दै गएको क्रिप्टोकरेन्सीको बजारले सन् २०२० मा ९ जना नयाँ डलर अर्बपतिहरु थप गरेको छ ।

सन् २०२० को मार्च महिनाको दुई दिनसम्म उच्चतम गिरावट आएर ४ हजारभन्दा तल झरेकोमा डिसेम्बर ३१ मा आइपुग्दा सबैभन्दा महँगो क्रिप्टो करेन्सीको मूल्य २९ हजार डलर पुगेको थियो । यसले उच्च जोखिम मोल्न चाहने लगानीकर्ताहरुका लागि मनग्गे आम्दानी भएको थियो ।

विश्वका लगानीकर्ताहरु तथा व्यवसायहरुको तर्फबाट लगातार आलोचनाको सिकार भैरहँदा पनि क्रिप्टोकरेन्सीको लोकप्रियता र मूल्य उकालो लागिरहेको छ, र सन् २०२० मा यसले ९ जना क्रिप्टो बिलेनियर उत्पादन गर्‍यो । अर्थात् फोर्ब्सले हालै सार्वजनिक गरेको विश्वका अर्बपतिहरुको वार्षिक सूचीमा १२ जना क्रिप्प्टो अर्बपति छन् र त्यसमध्ये ९ जना सन् २०२० मै क्रिप्टोकरेन्सीको भाउ बढेका कारण अर्बपति बनेका हुन् ।

विश्वका ती एक दर्जन क्रिप्टोकरेन्सी अर्बपतिहरुमध्ये सर्वाधिक धनीचाहिँ ट्रेडिङ कम्पनी अलामेडा रिसर्च तथा डेरिभेटिभ एक्सचेन्ज कम्पनी एफटिएक्सका साम ब्यांकम्यान फ्राएड हुन् । उनको कूल सम्पत्ति ८ अर्ब ७० करोड डलर छ ।

दोश्रो स्थानमा क्वाइनबेसका सीईओ तथा संस्थापक ब्रायन आर्मस्ट्रंग रहेका छन् । उनको कूल सम्पत्ति साढे ६ अर्ब छ । तेश्रो स्थानमा रिप्पलका सहसस्थापक क्रिस लार्सेन ३ अर्ब ४० करोड डलरसहित रहेका छन् ।

विश्वको क्रिप्टो करेन्सीको बजार पहिलो पटक २ ट्रिलियन डलर नाघेकै दिन फोर्ब्सको उक्त सूचि सार्वजनिक भएको हो । गत जनवरीमा क्रिप्टोकरेन्सीको कूल मूल्य १ ट्रिलियन डलर थियो ।

मार्केट क्यापको आधारमा बिटक्वाइन १।०६ ट्रिलियन डलरसहित पहिलो स्थानमा छ भने त्यसपछि इथेरियम, बाइनान्सस क्वाइन, एक्सआरपी तथा टेथरलगायतका रहेका छन् ।

एजेन्सी

0
Would love your thoughts, please comment.x
()
x