९ बैशाख २०७८, बिहीबार

शान्तिपूर्ण आन्दोलनमा धरपकड गरेर सरकारले द्वन्द्व तिम्त्याउन खोजे : नारायणकाजी

काठमाडौं, २२ माघ । नेकपा प्रचण्ड-माधव समूहको संघर्ष समितिका संयोजक नारायणकाजी श्रेष्ठले शान्तिपूर्ण आन्दोलनका क्रममा धरपकड गरेर सरकारले द्वन्द्व तिम्त्याउन खोजेका बताएका छन् ।

आम हड्तालका क्रममा रत्नपार्क क्षेत्रमा रहेका संघर्ष समितिका संयोजक श्रेष्ठले भने, ‘शान्तिपूर्ण कार्यक्रममा सहभागी हुन आएका धेरै साथीहरुलाई गिरफरतारी गरिएको छ, यसो नगर्नु पथ्र्यो । सरकारले द्वन्द्व तिम्त्याउछ र यसबाट निम्तने परिणामको जवाफदेही सरकार नै हुनुपर्छ ।’

ट्याक्सीमा भएको आगजनबारे सोधिएको प्रश्नमा उनले कहि कतै त्यस्तो भएको भए आफैं छानविन गर्ने बताएका छन । आफूहरु शान्तिपूर्ण आन्दोलनप्रति प्रतिवद्ध रहेको भन्दै उनले भने, ‘अबान्छित तत्वहरुले बद्नाम गराउने प्रयत्न गरेका छन्, त्यसप्रति सचेत पनि छौं ।’

प्रतिक्रिया दिनुहोस