३ कार्तिक २०७७, सोमबार

गुल्मीमा विभिन्न बिष्फोटक पदार्थ र मोटरसाइकल बरामद

0

गुल्मी, २६ असोज
रेसुङगा नगरपालिका-३ रेसुङंगा संरक्षित बनको गौशाला क्षेत्रबाट विभिन्न बिष्फोटक पदार्थ, लु.३६ प ४८५६ र लु.१६ प १९१७ नम्बरको मोटरसाइकल शनिबार राति प्रहरीले बरामद गरेको छ ।
हातहतियार तथा बिष्फोटक पदार्थ लिई अवैध रुपमा बन्यजन्तु पशुपक्षी चोरी सिकारी गर्न गएको भन्ने खबर प्राप्त हुनासाथ जिल्ला प्रहरी कार्यालय गुल्मीबाट खटिएको प्रहरीले उक्त मोटरसाइकहरुमा राखेको झोलाबाट २ सय ७५ ग्राम बारुद, १ सय १५ ग्राम फलामको छर्रा, ६० ग्राम किटको छर्रा, १ सय ५० ग्राम सिसाको छर्रा, २१ थान केप, २ रोल केपमा प्रयोग हुने पटाका, ३ थान ब्याट्री, २ थान पेचकस र २ थान सियो, विभिन्न ईलेक्ट्रोनिक्स सामान र पंक्षी प्रजातिको भुत्ला समेत फेला पारी बरामद गरेको हो ।
साथै उक्त घटनामा संलग्न व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।

Facebook Comments
0