३ जेष्ठ २०७८, सोमबार

हिंसा भड्किएपछि ४० अमेरिकी शहरमा कर्फ्यु

वासिङ्टन, जेठ १९ गते। प्रहरी नियन्त्रणमा अफ्रिकी मुलका एक अमेरिकी नागरिकको हत्या भएपछि अमेरिकामा

वासिङ्टन, जेठ १९ गते।
प्रहरी नियन्त्रणमा अफ्रिकी मुलका एक अमेरिकी नागरिकको हत्या भएपछि अमेरिकामा भड्किएको हिंसा अझै वृहत्त बनेको छ ।
देशभरका विभिन्न सहरमा प्रदर्शनहरु भएपछि हिंसा थप भड्किन नदिन स्थानीय सरकारहरुले करीब ४० सहरमा कर्फ्यु आदेश जारी गरेका छन् । केही दिनदेखि भइरहेको देशव्यापी प्रदर्शनका क्रममा कम्तीमा पाँच जनाको मृत्यु भइसकेको छ भने सयौँ घाइते भएका छन् । त्यसैगरी प्रदर्शनमा उत्रिएकामध्ये हजारौलाई प्रहरीले नियन्त्रणमा पनि लिएको छ ।
अफ्रिकीमूलका अमेरिकी जर्ज फ्लोयडको प्रहरी नियन्त्रणमा रहेका बेला मिनियापोलिसमा निधन भएको थियो । उहाँलाई एक स्वेत प्रहरीले हत्या गरेको भिडियो सार्वजनिक भएपछि अमेरिकाभर विरोध प्रदर्शन चर्किएको हो ।
सयौँ मानिसहरूले ४६ बर्षीय फ्लोयडको हत्यामा न्यायको माग गर्दै राष्ट्रपति कार्यालय ह्वाइट हाउस अगाडि पनि प्रदर्शन गरेका थिए । देशभरका झण्डै १४० सहरमा चर्को विरोध प्रदर्शन भएको र यति धेरै ठूलो प्रदर्शन अमेरिकामा कम हुने गरेको एक अधिकारीले बताएका छन् ।
गत छ दिनदेखि भइरहेको प्रदर्शनका क्रममा झण्डै दुई दर्जन सहरहरुबाट प्रहरीले दुई हजार ५६४ जनालाई पक्राउ गरेको थियो । घटनाका बारेमा प्रहरीले अनुसन्धान शुरु गरिसकिएको जनाएको छ भने दोषीलाई कारबाही गरिने भएकाले आन्दोलित नहुन सरकारी अधिकारीहरुले आग्रह पनि गर्दै आएका छन् ।
प्रहरीले कतिपय ठाउँमा अश्रु ग्यास र लाठी चार्ज गरेपनि प्रदर्शनकारीहरुलाई नियन्त्रण गर्न कठिन परिरहेको छ ।
जर्जियास्थित सीएनएनको कार्यालय नजिकै विरोध गर्ने क्रममा प्रदर्शनकारीले प्रहरीको एउटा कार जलाइदिएका थिए ।
हिरासतमा फ्लोयडको मृत्यु भएकोमा मिनियापोलिसका गोरा जातिका डेरेक चौभिनलाई गिरफ्तार गरेर हत्या अभियोग लगाइएको छ । चौभिन र थप तीनजना प्रहरीहरूलाई यही घटनाकै कारण सेवाबाट यसअघि नै बर्खास्त गरिएको छ ।
घटनाप्रति राष्ट्रपति डोनल्ड ट्रम्पले पनि दुःख व्यक्त गर्दै भयानक र भयानक घटनाको संज्ञा दिनुभएको छ । उहाँले फ्लोयडका परिवारसँग कुराकानी पनि गरेको बताउनु भएको छ ।

0
Would love your thoughts, please comment.x
()
x